የቱርክ ባለሃብቶች በኢትዮጵያ በእንፋሎት ኃይል ዘርፍ መሰማራት እንደሚፈልጉ ገለጹ

Turkish-investors-keen-EthiopiaMarch 15, 2017 - የቱርክ ባለሃብቶች በኢትዮጵያ በእንፋሎት ኃይልና በሴራሚክ ማምረት ስራዎች ለመሰማራት ፍላጎት እንዳላቸው ገለጹ።

ባለሃብቶቹ ዛሬ ከፕሬዚዳንት ሙላቱ ተሾመ ጋር በፕሬዚዳንት ጽህፈት ቤት ውይይት አድርገዋል።

ባለሃብቶቹ በእንፋሎት ኃይል፣ በቆዳና ቆዳ ውጤቶች እንዲሁም በሴራሚክ ሥራ ላይ ለመሰማራት ነው ፍላጎት ያላቸው።

ቀደም ብሎ ኢትዮጵያ ለቱርክ ባለሃብቶች ያቀረበችው ማበረታቻና በሥራቸው ውጤታማ መሆናቸው መዋዕለ ንዋያቸውን ለማውጣት ለመፈለጋቸው በምክንያት ተጠቅሷል።

በኢትዮጵያ የቱርክ አምባሳደር ፋቲህ ዩሉሶይ፥ ፕሬዚዳንት ሙላቱ በቱርክ ከወራት በፊት ያደረጉት ጉብኝት ባለሃብቶቹ ወደ ኢትዮጵያ እንዲመጡ ካደረጉ ምክንያቶች ተጠቃሽ መሆኑን አውስተዋል።

ፕሬዚደንት ሙላቱ ከቱርክ አቻቸው ሬሲፕ ጣይብ ኤርዶኻን ጋር የሁለቱን አገሮች ግንኙነት ለማጠናከር መስማማታቸው ይታወሳል።

በአሁኑ ወቅት በኢትዮጵያና በቱርክ መካከል ያለው የንግድ ልውውጥ 440 ሚሊየን የአሜሪካ ዶላር ደርሷል።

ይሁንና ይህን አሃዝ ወደ 1 ቢሊየን የአሜሪካ ዶላር ከፍ ለማድረግ ሁለቱ አገሮች ተስማምተዋል። (FBC)


  እትም



Contact News Editor

Name :
Email :
Phone :
Message :
ezega
ከላይ የሚታየው ጽሁፍ ያስገቡ :